У Беларусі могуць заснаваць Дзень партызана
Пра гэта стала вядома падчас прамой тэлефоннай лініі, якую 29 траўня правёў міністр абароны Юрый Жадобін.
Міністр атрымаў шэраг прапановаў па ўвекавечанні памяці абаронцаў Айчыны, паведамляе interfax.by са спасылкай на прэс-службу Мінабароны. У прыватнасці, было прапанавана стварыць алею Герояў СССР, заснаваць свята Дзень партызана.
На працягу гадзіны падчас тэлефоннай лініі Жадобін даў адказы на 25 пытанняў. Яны тычыліся пенсійнага забеспячэння і сацыяльнай абароны вайскоўцаў і чальцоў іх сем'яў, будаўніцтва і прыватызацыі жылля.
Фота — lemur59.ru
