У Беларусі павысіўся пенсійны ўзрост
У Беларусі рэалізаваны чарговы этап павышэння пенсійнага ўзросту. З 1 студзеня 2018-га для жанчын ён ужо складае 56 гадоў (да рэформы — 55 гадоў), для мужчын — 61 год (раней — 60 гадоў). У параўнанні з мінулым годам беларусы стануць сыходзіць на пенсію на паўгода пазней, інфармуе сайт ria.ru.
Як вядома, Аляксандр Лукашэнка падпісаў указ, якім прадугледжвалася паэтапнае павышэнне пенсійнага ўзросту, у красавіку 2016 года. У адпаведнасці з ім павышэнне адбываецца штогод на паўгода (упершыню — з 1 студзеня 2017-га). Рэформа мусіць скончыцца ў 2022 годзе, калі пенсійны ўзрост для жанчын будзе павышаны да 58 гадоў, для мужчын — да 63 гадоў.
