У Брэсце прайшлі "Студзеньскія музычныя вечары" (фота)

У Брэсце прайшлі "Студзеньскія музычныя вечары". Адкрыццё фестываля класічнай музыкі адбылося 9 студзеня. Сёлетні фестываль ужо 28-ы па ліку. Цягам чатырох дзён горад наведалі больш за 300 музыкаў з 16 краін. Сярод іх Кітай, Грузія, Расія, Польшча, Літва і ЗША. Упершыню на "вечарах" выступілі музыкі з В'етнама і Бельгіі.

Найбольш чаканым для наведвальнікаў стаў менавіта апошні дзень фестывалю. 12 студзеня канцэрт на сцэне акадэмічнага тэатра драмы і музыкі адбыўся пры поўным аншлагу. Упершыню на фэсце выступіла трыа з Італіі — Дамініко Стасі, Франчэска Тупо, Джавані Калета, а таксама салістка Марыінскага тэатра Марыя Максакава. Акампанаваў ім сімфанічны аркестр пад кіраўніцтвам дырыжора Аляксандра Сасноўскага.

Дарэчы, квіткі на закрыццё "Студзеньскіх музычных вечароў" каштавалі ад 500 да 600 тысячаў рублёў.