У Быхаве сабралі каля 100 удзельнікаў тэрабароны
Мужчын адпусцяць дахаты толькі ў канцы траўня / bykhov.by
7 траўня ў Быхаве сабралі каля 100 удзельнікаў тэрытарыяльнай абароны. Ім абяцаюць, што падчас ваенных збораў яны "ўспомняць баявыя навыкі". Будуць вучыць ахоўваць і абараняць пэўныя ўчасткі і аб'екты на сваёй малой радзіме.
Мерапрыемствы "па праверцы мабілізацыйнай гатоўнасці" працягнуцца больш за тры тыдні. Мужчын адпусцяць дахаты толькі 31 траўня.
Як паведамляе Мінабароны, падобныя зборы ў тыя ж тэрміны праходзяць у Магілёўскім раёне.
