У цэнтры Кішынёва малдаўская апазіцыя разбіла намётавае мястэчка
У Малдове прыхільнікі прарасійскіх Партыі сацыялістаў і “Нашай партыі” перакрылі ў ноч на суботу цэнтральную вуліцы Кішынёва бульвар Штэфана чэл Марэ і ўсталявалі на праезнай частцы намётавае мястэчка. Такім чынам пратэстоўцы выказалі сваё стаўленне да адмовы прэзідэнта краіны Нікалае Цімофці сысці ў адстаўку.
Цягам усяго некалькіх хвілінаў намёты расцягнуліся на два кварталы. Апазіцыя называе гэта “планам Б” і абяцае, што “далей будзе болей”.
Да месца падзеяў былі сцягнутыя супрацоўнікі спецпадраздзяленняў. Дэпутаты фракцыі ПСРМ утварылі жывы ланцуг паміж паліцыянтамі і пратэстоўцамі.
У пятніцу скончыўся ўльтыматум, які сацыялісты і “Наша партыя” выставілі Нікалае Цімофці.
Фота: Фэйсбук
