У цэнтры Мінска на ўгодкі разгону Плошчы запускалі галубоў (фота)
Акцыю правялі актывісты Руху салідарнасці "Разам" і незалежнага прафсаюзу РЭП.
На плошчы Незалежнасці яны выпусцілі 11 галубоў у надзеі, што 11 цяперашніх палітвязняў хутка выйдуць на волю, адзначае Радыё Свабода.
Тры гады таму ў Беларусі прайшлі прэзідэнцкія выбары. У Мінску 19 снежня 2010 года адбылася масавая акцыя пратэсту, якая была жорстка разагнаная. Больш за 700 чалавек трапілі за краты. У тым ліку амаль усе кандыдаты ў прэзідэнты. На сённяшні дзень за кратамі яшчэ знаходзіцца экс-кандыдат Мікалай Статкевіч.
Фота — svaboda.org
