У Данецку пабілі беларускага журналіста Аляксандра Баразенку

Як паведамляе БелаПАН са словаў Баразенкі, за журналістам пайшлі чацвёра маладых людзей. Хлопец паспрабаваў адарвацца ад іх, але яго дагналі, запіхнулі ў падваротню і пабілі. Баразенку разбілі вусны, некалькі разоў стукнулі ў жывот. "Я ў парадку", — кажа Баразенка.

Нагадаем, што некалькі дзён у Данецкай, Луганскай і Харкаўскай абласцях Украіны ладзяцца сепаратысцкія правакацыі прарасійскіх актывістаў. Па заявах украінскіх уладаў, у правакацыях ўдзельнічаюць прыхільнікі збеглага з краіны экс-прэзідэнта Віктара Януковіча, а таксама мясцовыя крымінальныя элементы і прыезджыя з Расіі.

Фота — БАЖ