У Ганконгу сціхаюць пратэсты студэнцкай моладзі (відэа)
Дзяржслужбоўцы ужо вярнуліся да нармальнага рэжыму працы ва ўрадавым квартале, які на працягу сямі дзён быў акупаваны дэманстрантамі.
Калі ў папярэднія дні на вуліцы выходзілі дзясяткі тысяч чалавек, цяпер толькі некалькі соцень. ВВС нагадвае, што раніцай у панядзелак скончыўся тэрмін ультыматума, аб'яўленага ўладамі для таго, каб дэманстранты пакінулі вуліцы. Аднак дагэтуль невядома, ці будзе паліцыя ўжываць сілу.
Нагадаем, дэманстранты выступаюць супраць планаў Кітая самастойна адсейваць кандыдатаў для выбараў кіраўніка Ганконга ў 2017 годзе.
Фота — Getty Images
