У Глыбоцкім райвыканкаме знайшлі “мёртвую душу”
Чыноўнік аформіў на працу сваяка, а той фактычна не выконваў свае абавязкі.
Начальнік аднаго з адзелаў Глыбоцкага райвыканкаму (Віцебшчына) абвінавачваецца ў раскраданні амаль 57 мільёнаў бюджэтных сродкаў, паведамляе БЕЛТА са спасылкай на раённую пракуратуру.
Выяўлена, што фігурант працаўладкаваў у падраздзяленне райвыканкаму сваяка, а той фактычна не хадзіў на працу. “Мёртвая душа” лічылася працаўніком ад жніўня 2012 года па верасень 2014 года, а заробак яго заробак за гэты перыяд прысабечыў падазраваны.
Крымінальную справу распачалі 12 студзеня па матэрыялах праверкі, якую зладзілі супрацоўнікі АБЭЗ, УУС Віцебскага аблвыканкаму і Глыбоцкага РАУС.
Адметна, што падазраваны не толькі працуе ў райвыканкаме, але і з’яўляецца дэпутатам раённага ўзроўню.
Крымінальную справу перадалі ў Следчы камітэт.
