У Гродна прыязджае расійскі прэм'ер-міністр

Кіраўнік расійскага ўрада Дзмітрый Мядзведзеў 8 верасня прыбудзе ў Гродна. Там пройдзе пасяджэнне Еўразійскага міжурадавага савета.

Як адзначае interfax.by, на пасяджэнні плануецца абмеркаваць пытанні скаардынаванай прамысловай палітыкі ў рамках ЕАЭС, забеспячэнне макраэканамічнай і фінансавай стабільнасці, фарміраванне адзінага рынку паслуг, развіццё адносін з замежнымі краінамі і міжнароднымі арганізацыямі.

Паведамляецца, што ў расійскага прэм'ер-міністра адбудзецца шэраг двухбаковых сустрэч з кіраўнікамі ўрадаў дзяржаў-удзельніц ЕАЭС.

Фота: ctv.by