У Гродне паваленае ветрам дрэва пашкодзіла аўтамабілі (фота)
Выратавальнікі Гродзенскай вобласці двойчы за суткі выязджалі на выклікі, звязаныя з аказаннем дапамогі пры падзенні дрэваў. У аўторак у абед у МНС патэлефанавала жанчына і паведаміла, што на вуліцы Урублеўскага дрэва павалілася на два прыпаркаваныя пад ім аўтамабілі. У выніку пашкоджаныя элементы кузава, падрапаная фарба. Выратавальнікі распілавалі дрэва і прыбралі яго.
Літаральна праз некалькі гадзінаў яшчэ адзін падобны інцыдэнт здарыўся ля вёскі Пыра Гродзенскага раёна: ад парыву ветру на дарогу ўпала дрэва і перагарадзіла праезную частку. Спецыялісты вызвалілі дарогу, перадае прэс-служба МНС.
Фота: МНС
