У Грузіі забіты вядомы футбольны трэнер і яго сям'я

Вядомы грузінскі футбольны трэнер Цімур Надзірадзэ і трое членаў яго сям'і былі забітыя ўвечары ў пятніцу ў горадзе Кутаісі.

Ахвярамі невядомых злачынцаў стаў трэнер, яго жонка, старэйшы сын і цяжарная жонка сына. Забойства адбылося ў кватэры Надзірадзэ.

Пакуль следства не выйшла на след забойцы, аднак праз некалькі гадзін пасля трагедыі быў затрыманы для допыту малодшы сын трэнера Ніка Надзірадзэ, які ўначы выехаў з Кутаісі ў напрамку Тбілісі.

“Інтэрфакс”