У Каіры лік прыхільнікаў Мурсі, што загінулі ў сутычках, — ужо 80 чалавек
Такія звесткі афіцыйна абвясціла Міністэрства аховы здароўя Егіпта.
Раней паведамлялася пра 72 чалавекі, загінулыя падчас сутычак прыхільнікаў былога прэзідэнта Махамеда Мурсі з супрацоўнікамі сіл бяспекі ў Каіры, перадае Associated Press.
Паведамляецца таксама, што падчас беспарадкаў амаль 800 чалавек атрымалі раненні рознай ступені цяжкасці.
Сутычкі адбыліся пасля таго, як удзельнікі сядзячага страйку ў Каірскім універсітэце, прыхільнікі Мурсі, вырашылі пашырыць тэрыторыю акцыі і часткова перамясціцца на суседні бульвар. Аднак ім перашкодзілі паліцыянты і ўзброенае грамадзянскае апалчэнне.
Фота — Reuters
