У Камянецкім раёне дрэва ўпала на 200-гадовы храм
Дрэва зламаў моцны вецер / brest.mchs.gov.by
У Камянецкім раёне Брэсцкай вобласці дрэва ўпала на 200-гадовы храм. Здарэнне адбылося ў вёсцы Такары. Велізарнае дрэва, якое вецер вывярнуў з коранем, звалілася на Свята-Міхайлаўскую царкву, пабудаваную ў 1816 годзе.
Дах праваслаўнай царквы быў пашкоджаны, яго аднаўляюць.
Па Беларусі за апошнія суткі з-за моцнага ветру зафіксавалі паўсотні выпадкаў падзення дрэў. Амаль палова іх прыпадае на Брэсцкую вобласць. На шчасце, пацярпелых сярод людзей няма.
