У Кіеве ўвечары ў пятніцу зноў пачаліся сутыкненні (онлайн-відэатрансляцыя)
На вуліцы Грушэўскага сілавікі пачалі страляць гумавымі кулямі, ёсць паранены. У адказ пратэстоўцы скарысталі "кактэйлі Молатава", камяні і петарды.
Сутыкненняў не было два дні, пакуль ішлі перамовы лідараў апазіцыі і прэзідэнта Януковіча. 24 студзеня перамоваў не было, аднак на вуліцы Грушэўскага было ціха аж да вечара. Цяпер там знаходзіцца некалькі тысяч чалавек, каля барыкады палаюць аўтамабільныя пакрышкі.
Нягледзячы на моцны мароз, Майдан Незалежнасці запоўнены людзьмі. Лідар "Свабоды" Алег Цягнібок зачытваў рашэнні Народнай рады Украіны, паведамляў пра поспехі пратэстоўцаў у рэгіёнах.
