У Магілёўскім аблвыканкаме адбылося задымленне
23 лістапада ў 13:25 магілёўскія ратавальнікі атрымалі паведамленне, што ў будынку аблвыканкама спрацавала сістэма перадачы паведамленняў аб надзвычайных сітуацыях "Маланка".
Прыбыўшы на месца выкліку, супрацоўнікі МНС высветлілі, што ў кабінеце на чацвёртым паверсе здарылася кароткае замыканне. Як кажуць ратавальнікі, адбылося задымленне.
Пацярпелых пры інцыдэнце няма. Абставіны высвятляюцца.
