У Магілёве рыбакоў ад выхаду на лёд перасцерагае спеўны акунь (відэа)
Каб стрымаць рыбакоў-рызыкантаў, мясцовыя ратавальнікі скарысталіся цацкай.
Незвычайны спосаб перасцярогі прыдумалі магілёўскія ратавальнікі, каб стрымаць рыбакоў ад выхаду на ненадзейны лёд. Нагодай, як піша "Комсомольская правда", стала тое, што ў вобласці з пачатку сезона патанулі сем чалавек.
На рынку ў Расіі ратавальнікі пабачылі электронную цацку — электроннага спеўнага акуня. Праўда, там ён называецца "Вясёлы карп" — гэта цацачная рыбка памерам прыкладна 30 на 10 см. Яна замацаваная на падстаўцы і мае прыладу для размовы. Калі акунь размаўляе, у яго рухаецца цела і варушыцца рот.
Акунь агучвае наступнае папярэджанне: "Грамадзяне рыбакі, служба выратавання папярэджвае: выхад на лёд небяспечны для вашага жыцця! Паўтараю: выхад на лёд небяспечны для вашай жыцця!" А потым рыба спявае жартаўлівую песню "Экстрэмальная рыбалка".
Дарэчы, рыбакі, якім ратавальнікі паказалі сваю "здабычу", абяцалі быць больш асцярожнымі.