У Магілёве ўсталявалі сяміметровы герб горада з "Пагоняй"
"Пагоня" на гербе Магілёва /@mogilevonline / @mogilevonline
У Магілёве на скрыжаванні вуліц Каштанавай-Крупскай-Кулібіна з'явіўся сяміметровы герб горада, паведамляе рэсурс Магілеў-online. Архітэктурная канструкцыя паўтарае асноўныя элементы герба: ёсць тры вежы, срэбны рыцар у варотах з паднятым над галавой мячом, а над варотамі выява "Пагоні".
Герб з'явіўся ў Магілёва ў 1661. Яго дараваў гораду вялікі літоўскі князь Ян II Казімір за баявыя заслугі па выніках руска-польскай вайны. Жыхары Магілёва ў тую кампанію здолелі разбіць сямітысячны маскоўскі гарнізон, які акупаваў горад.
Нагадаем таксама, што выява "Пагоні", з якой цяпер ваююць сілавікі і прапагандысты Лукашэнкі, сустракаецца таксама і на гербах іншых беларускіх гарадоў, да прыкладу, Віцебскай вобласці і Рэчыцы.
