У Мастах прайшлі агітацыйныя пікеты кандыдатаў ад БХД (фота)

11 і 12 красавіка чатыры кандыдаты ў дэпутаты  Мастоўскага райсавету ад Партыі “Беларуская хрысціянская  дэмакратыя” правялі  агітацыйныя пікеты. Сустрэчы з  выбаршчыкамі прайшлі ў розных частках Мастоў. Кандыдаты нарэшце атрымалі магчымасць паказацца на людзях, адказваць на пытанні мінакоў і раздаваць сваю друкаваную прадукцыю.  Дазвол на правядзенне пікетаў мастоўскія ўлады далі толькі пасля скаргі кандыдатаў у Цэнтрвыбаркам.

Надалей хрысціянскія дэмакраты збіраюцца сканцэнтраваць сваю ўвагу на агітацыі “ад дзвярэй да дзвярэй”.