У Мінску пасля 17 гадоў працы закрываецца вядомы рэстаран
Рэстаран Falcone / clever.by
Пасля сямнаццаці гадоў працы ў Мінску закрываецца рэстаран Falcone. Паведамленне пра гэта з'явілася ў сацсетках установы.
"Дзякуй кожнаму з вас за тое, што былі з намі на працягу 17 гадоў! Нашы кухары гатавалі для вас з любоўю! Сэрвіс імкнуўся парадаваць кожнага госця. Мы шчыра дзякуем вам за цудоўныя моманты, якія мы перажылі разам", — дзякуе наведвальнікам рэстаран.
Ці будзе на месцы рэстарацыі на вуліцы Караля нешта новае, не ўдакладняецца.
