У Мінску пошту з замежжа будуць правяраць два службовыя сабакі

У Мінску пошту з замежжа будуць правяраць два службовыя сабакі. Ася і Арта працуюць у галоўным пункце мытнага афармлення. Гэта — ірландскі сетэр і эпаньёл брэтон, інфармуе тэлеканал АНТ.

Сабакі натрэніраваныя на пошук наркотыкаў — у канвертах, пасылках і нават у ежы. І падобныя знаходкі ў іх бываюць амаль штотыдзень. Сёлета сабакі ўжо знайшлі 2,5 кг наркотыкаў.

Адзначаецца, што за год праз Мінскую пошту праходзіць больш за 11 мільёнаў міжнародных адпраўленняў.