У Мінску прадаюць зубную пасту з інфармацыяй пра санкцыі і ізаляцыю (фота)
Яе даслаў адзін з слухачоў Еўрарадыё.
"Мяркуючы па ўсім, за наступныя некалькі гадоў нам усім давядзецца вырашыць вельмі няпростую задачу, — піша гендырэктар маскоўскай кампаніі. — ...Нам трэба будзе навучыцца ў вялікім і сучасным свеце шмат што рабіць самім. У дзень, калі я пішу гэтыя словы, крэдытныя карткі некалькіх банкаў аказаліся заблакаваныя... наша краіна апынулася ў сітуацыі сур'ёзнай ізаляцыі".
Можна ўявіць рэакцыю беларусаў-пакупнікоў зубной пасты, якія прачыталі гэтыя радкі. Як вядома, пад санкцыі Захаду трапіла Расія з-за сваіх дзеянняў ва Украіне. Беларусі ж гэтыя санкцыі не тычацца.