У Мінску салдат атрымаў стрэл у галаву
Беларускі вайсковец атрымаў агнястрэльную рану галавы / pixabay.com, ілюстрацыйнае фота
Увечары 19 верасня ў Мінску салдат тэрміновай службы падчас службы атрымаў агнястрэльную траўму галавы, паведамляе прэс-служба Следчага камітэта.
Гаворка ідзе пра 19-гадовага вайскоўца вайсковай часткі 3214 — спецназу ўнутраных войскаў.
Малады чалавек цяпер знаходзіцца ў рэанімацыі, за яго жыццё змагаюцца дактары.
Следчыя агледзелі месца здарэння, апыталі калег юнака. Следчы камітэт праводзіць праверку, высвятляе ўсе абставіны здарэння.
