У Мінску ўручылі прэміі "Трыумф. Героям спорту-2008"
Урачыстая цырымонія ўручэння прэміі "Трыўмф. Героям спорту-2008" адбылася ў мінскім Палацы спорту ўвечары 17 студзеня. Узнагароды ў васьмі намінацыях былі ўручаныя спартоўцам, якія дамагліся ў 2008-м годзе найлепшых вынікаў на найбуйнейшых міжнародных спаборніцтвах. Прэмію ў намінацыі "Спартовец года" атрымаў цяжкаатлет Андрэй Арамнаў, які стаў алімпійскім чэмпіёнам у Пекіне і паставіў тры сусветныя рэкорды. "Спартоўкай года" была названая кідальніца молата Аксана Мянькова, якая таксама заваявала "золата" на Алімпіядзе-2008.
Адразу ў двух намінацыях быў адзначаны барысаўскі футбольны клуб БАТЭ. Ён упершыню ў гісторыі суверэннага беларускага футбола згуляў у групавым раўндзе Лігі чэмпіёнаў УЕФА і ў пяты раз стаў чэмпіёнам Беларусі. Каманда БАТЭ была названая "Лепшай камандай года", а яе галоўны трэнер Віктар Ганчарэнка быў названы "Трэнерам года".
У намінацыі "Прарыў года" прэмію атрымала гімнастка Іна Жукава, якая на Алімпійскіх гульнях у Пекіне сенсацыйна выйграла срэбраны медаль. З усіх прэтэндэнтаў на перамогу ў намінацыі "За волю да перамогі" найболей годнай журы палічыла срэбранага прызёра Паралімпійскіх гульняў у Пекіне Людмілу Воўчак. Яна стала першай спартоўкай, двойчы адзначанай прэміяй "Трыумф. Героям спорту". Год таму Л.Воўчак таксама першынствавала ў намінацыі "За волю да перамогі" — як срэбраны прызёр зімовых Паралімпійскіх гульняў у Турыне (лыжныя гонкі).
Прэмію ў намінацыі "Самы яркі спартовы момант года" атрымаў дзесяціборац Андрэй Краўчанка за свой алімпійскі фініш на 100-метроўцы — фінальным выглядзе дзесяціборства. А ў намінацыі "Вынік года" прэмія была ўручаная нацыянальнай зборнай па веславанні на байдарках і каноэ. На Алімпіядзе ў Пекіне беларускія байдарачнікі заваявалі 3 медалі — два залатыя і адзін бронзавы.
Інтэрфакс
Адразу ў двух намінацыях быў адзначаны барысаўскі футбольны клуб БАТЭ. Ён упершыню ў гісторыі суверэннага беларускага футбола згуляў у групавым раўндзе Лігі чэмпіёнаў УЕФА і ў пяты раз стаў чэмпіёнам Беларусі. Каманда БАТЭ была названая "Лепшай камандай года", а яе галоўны трэнер Віктар Ганчарэнка быў названы "Трэнерам года".
У намінацыі "Прарыў года" прэмію атрымала гімнастка Іна Жукава, якая на Алімпійскіх гульнях у Пекіне сенсацыйна выйграла срэбраны медаль. З усіх прэтэндэнтаў на перамогу ў намінацыі "За волю да перамогі" найболей годнай журы палічыла срэбранага прызёра Паралімпійскіх гульняў у Пекіне Людмілу Воўчак. Яна стала першай спартоўкай, двойчы адзначанай прэміяй "Трыумф. Героям спорту". Год таму Л.Воўчак таксама першынствавала ў намінацыі "За волю да перамогі" — як срэбраны прызёр зімовых Паралімпійскіх гульняў у Турыне (лыжныя гонкі).
Прэмію ў намінацыі "Самы яркі спартовы момант года" атрымаў дзесяціборац Андрэй Краўчанка за свой алімпійскі фініш на 100-метроўцы — фінальным выглядзе дзесяціборства. А ў намінацыі "Вынік года" прэмія была ўручаная нацыянальнай зборнай па веславанні на байдарках і каноэ. На Алімпіядзе ў Пекіне беларускія байдарачнікі заваявалі 3 медалі — два залатыя і адзін бронзавы.
Інтэрфакс
