У Мінску выйшлі на марш пенсіянеры і медыкі

9 лістапада ў Мінску праходзіць марш пенсінераў і медыкаў. Нягледзячы на ўчорашнія жорсткія затрыманні акцыя атрымалася шматлюднай. 

Традыцыйным месцам збору стала плошча Незалежнасці. Адтуль удзельнікі маршу пайшлі ў бок плошыч Якуба Коласа. Удзельнікі шэсця скандуюць "Рукі прэч ад нашых дзяцей!" і "Трыбунал!". Праходзячы міма КДБ, калона скандавала: "Свабоду палітвязням!". 

Міліцыя перакрывае рух з бакавых вуліц на праспект Незалежнасці. 

Марш пенсіянераў ужо традыцыйна ладзіцца па панядзелках. Сёння да яго далучыліся медыкі, якім не далі парвесці акцыю ў суботу, 7 лістапада. Суботнюю акцыю медыкаў жорстка разагналі, многіх яе ўдзельнікаў затрымалі, сёння над імі праходзяць суды. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.