У М’янме вайсковая хунта амніставала тысячы палітвязняў
![Аун Сан Су Чжы / Reuters](/sites/default/files/styles/gallery_main/public/2023-08/2021-02-01T001909Z_1555110145_RC2CJL9791CD_RTRMADP_3_MYANMAR-POLITICS-pic4_zoom-1500x1500-22810.jpg.webp?itok=vf9AXp4K)
Аун Сан Су Чжы / Reuters
У М’янме вайсковая хунта амніставала тысячы палітвязняў (амністыю прымеркавалі да нацыянальнага свята). Сярод іх — лідарка апазіцыі, экс-міністр замежных спраў і дзяржаўны дарадца (2016-2021), лаўрэатка Нобелеўскай прэміі міру (1991) 77-гадовая Аун Сан Су Чжы. Як піша Reuters, агулам пад амністыю трапілі 5098 мужчын і 676 жанчын. Пасля вызвалення чатыром замежнікам дазволяць пакінуць М'янму (сярод іх — Шон Тэрнэл, аўстралійскі эканаміст, дарадца Аун Сан Су Чжы).
У пачатку 2021 году ў М'янме адбыўся вайсковы пераварот. Хунта жорстка падавіла пратэсты. Тысячы людзей былі кінутыя за краты. Сярод іх апынулася і Аун Сан Су Чжы. Яе неаднаразова судзілі, абвінавачвалі ў "карупцыі", у розных парушэннях. Агульны тэрмін пакарання давялі да 17 гадоў.
Як вядома, у Беларусі за кратамі знаходзіцца лаўрэат Нобелеўскай прэміі міру Алесь Бяляцкі. Палітзняволеныя ў нашай краіне пад амністыю ў асноўным не трапляюць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.