У панядзелак пройдуць кароткачасовыя дажджы і будзе да +18
У бліжэйшыя суткі, 23 красавіка, у Беларусі чакаецца надвор’е з пераменнай хмарнасцю. Уначы месцамі па Віцебскай і Магілёўскай абласцях пройдуць кароткачасовыя дажджы, магчымыя навальніцы. Удзень у асобных раёнах па захадзе краіны таксама чакаюцца кароткачасовыя дажджы, магчымыя навальніцы.
Вецер будзе няўстойлівы, парывісты.
Тэмпература паветра ўначы складзе 1-6 градусаў вышэй за нуль, месцамі па паўночным усходзе краіны — да мінус 2 градусаў. Удзень паветра прагрэецца да 11-18 градусаў цяпла, перадае БЕЛТА са спасылкай на Белгідрамет.
