У Пекіне на адкрыцці помніка Купалу кітайскія дзеці чыталі беларускамоўныя вершы
У Пекіне адкрылі помнік народнаму паэту Беларусі Янку Купалу. Ён з'явіўся ў Другім Пекінскім універсітэце замежных моваў. Урачыстая цырымонія прайшла 8 студзеня. Як піша ў Twitter беларускі амбасадар у КНР Кірыл Руды, на адкрыцці помніка кітайскія дзеці чыталі беларускамоўныя вершы.
Аўтарам помніка Купалу з'яўляецца вядомы кітайскі скульптар У Вэйшань.
Прэс-служба беларускай амбасады дадае, што мерапрыемства прайшло ў рамках завяршэння Года адукацыі Беларусі ў КНР. Помнік Янку Купалу ўжо ёсць у горадзе Сіяне. А ў горадзе Цяньцзіне ёсць помнік іншаму народнаму паэту Беларусі Якубу Коласу.
8.01.2020 во Втором Пекинском университете иностранных языков открыт памятник Янке Купале (третий белорусский памятник в Китае). Работа известного китайского скульптора У Вэйшаня. Церемония прошла в Пекине с участием послов и китайских малышей, читающих стихи на-белорусском. pic.twitter.com/4mrHuyfpnG
— Кирилл Рудый (@kvrudy) 8 января 2020 г.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
