У Пінску каля школы знайшлі чалавечыя астанкі

Падчас замены труб цеплатрасы, побач з пінскай сярэдняй школай №12, рабочыя знайшлі чалавечыя астанкі.
Справа ў тым, што гэта школа, за савецкім часам, была пабудавана на месцы яўрэйскіх могілак.

Таму страшныя знаходкі не сталі сенсацыяй для грамадскасці. Прадстаўнікі яўрэйскай грамады збіраюць косткі ў мяхі, каб потым перазахаваць па сваіх традыцыях.

Нагляд за працамі вядзе пракуратура горада.