У Пухавіцкім раёне на допыт выклікалі хлопца, які памёр 10 гадоў таму
Позва памерламу хлопцу / TikTok / elena_lukashik
На імя хлопца, які памёр 10 гадоў таму, прыйшла позва з міліцыі. Пра гэты выпадак у TikTok расказала яго маці — жыхарка Пухавіцкага раёна Міншчыны.
Жыхарка Пухавіцкага раёна Мінскай вобласці атрымала позву з РАУС, адрасаваную яе сыну. Пра гэта яна распавяла ў відэа, якое апублікавала ў TikTok.
Жанчына кажа, што яе сын памёр у 2013 годзе. Тым не менш у верасні 2024-га на яго імя прыйшла позва ад Пухавіцкага РАУС.
"Гэта мой сын. Ермаловіч Яўген Васільевіч. Я яго пахавала 9 ліпеня 2013 года. У якасці якога сведкі ён можа праходзіць у вас па справе, якая пачатая 26 лютага 2024 года? Сказаць, што я ў шоку — гэта наогул нічога не сказаць, я проста ў а**і", — абураецца беларуска.
У каментах выказалі меркаванне, што хтосьці мог пры правапарушэнні назвацца імем памерлага, адкуль і ўзнікла памылка.
