У Расіі раскрылі буйную наркалабараторыю, у якой працавалі беларусы
Наркалабараторыя / МУС Беларусі
У Расіі выявілі буйную наркалабараторыю, у якой працавалі беларусы, паведамляе прэс-служба МУС Беларусі.
На пачатку года ў Расію выехалі трое нашых суайчыннікаў — двое мужчын і жанчына (жыхары Мінска, Баранавічаў і Бабруйска). Затрымалі іх у адным з садовых таварыстваў каля горада Міас Чалябінскай вобласці. Там яны выраблялі мефедрон у падпольнай наркалабараторыі, абсталяванай у гаспадарчай пабудове.
Пры ператрусе ў памяшканні было знойдзена 12 кг псіхатропу, прэкурсоры і сумесь рэактываў, абсталяванне.
Пазней у адным з маскоўскіх аэрапортаў затрымалі арганізатара злачыннага бізнэсу — жыхара расійскай Астрахані, які вяртаўся на радзіму з адпачынку.
Паведамляецца, што злачынная група працавала на адзін з віртуальных наркамаркетаў, выкарыстоўваючы рэцэптуры з ценявога сегмента інтэрнэту.
