У Слоніме забаранілі пікеты супраць замежных вайсковых базаў у Беларусі
Такое рашэнне прыняў мясцовы райвыканкам.
Пікеты супраць размяшчэння на тэрыторыі Беларусі замежных вайсковых базаў і вайсковых аб’ектаў планавалася правесці 8 верасня ў розны час у гарадскім парку. Заяўкі падавалі грамадскія актывісты Іван Шэга і Віктар Марчык.
Афіцыйнай падставай для адмовы называецца запланаванае на той жа дзень і ў тым жа месцы свята “Фарбы восені”.
Нагадаем, што 26 жніўня ў Мінску за правядзення адзіночнага пікету супраць расійскіх вайсковых базаў быў затрыманы магілёўскі актывіст Мікалай Гладышаў. У той жа дзень яго асудзілі на 10 сутак арышту.
