У Слуцку за інфармацыю пра скрадзенага Дзеда Мароза абяцаюць 2 млн
У Слуцку за інфармацыю пра скрадзенага Дзеда Мароза даюць 2 млн рублёў, паведамляе kurjer.info. Здарэнне адбылося раніцай 8 студзеня ў цэнтры горада. З санак знікла скульптурная кампазіцыя, якая была зробленая рукамі супрацоўнікаў ЖКГ і з'яўляецца эксклюзіўнай працай. Яе кошт ацэньваецца на суму 12 млн рублёў. Па гарачых слядах злодзеяў знайсці не ўдалося. Мяркуецца, што Дзеда Мароза яны звезлі на аўтамабілі, найхутчэй, на нейкае лецішча.
Прэмію за інфармацыю пра зламыснікаў паабяцаў адзін з чытачоў газеты "Інфа-кур'ер".
Фота: kurjer.info
