У Смаргоні затрымалі вандала, які ўначы граміў касцёл і аўтамабілі каля яго
Вандал граміў усё, што бачыў на сваім шляху / shliah.by
У Смаргоні затрымалі вандала, які ўначы 21 снежня граміў мясцовы касцёл і аўтамабілі каля яго. Як піша shliah.by, ён разбіў фігуру Маці Божай, пашкодзіў скульптуру Міхаіла Архангела і прыпаркаваныя аўтамабілі святароў.
Мужчына нецэнзурна лаяўся і крычаў, што "каталіцкай царкве тут не месца". Ксёндз, які выйшаў на шум і пабачыў неадэкватныя паводзіны мужчыны, выклікаў міліцыю. Зламыснікам аказаўся мясцовы жыхар. Цяпер ён фігурант крымінальнай справы, распачатай па факце хуліганства.
