У Столінскім раёне на 9 траўня адмянілі мітынгі ў сельскай мясцовасці

Улады Столінскага раёна адмянілі мітынгі каля абеліскаў і брацкіх магілаў на Дзень Перамогі ў сельскай мясцовасці. Адпаведнае ўказанне чыноўнікі райвыканкама  разаслалі ў сельвыканкамы, піша "Медиа-Полесье". Змены тлумачацца складанай эпідэміялагічнай сітуацыяй.

Столінскія чыноўнікі рэкамендуюць ускласці вянкі і кветкі да помнікаў у перыяд з 4 па 9 траўня пры мінімальнай колькасці людзей. Перад гэтым месцы пахаванняў і абеліскі неабходна прывесці ў парадак.

Нагадаем, што ў Мінску ў Дзень Перамогі плануецца правесці вайсковы парад. 

Па стане на 23 красавіка ў Беларусі было зарэгістравана 8022 выпадкі заражэння каранавірусам. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.