У Вашынгтоне паліцыя арыштавала больш за 400 удзельнікаў акцыі пратэсту

Вашынгтонская паліцыя арыштавала больш за 400 удзельнікаў акцыі пратэсту супраць карупцыі. Акцыя прайшла каля будынка Капітолія. Яе ўдзельнікі таксама патрабавалі правядзення свабодных і сумленных выбараў, перадае Бі-Бі-Сі. Яны скандавалі "Адзін чалавек, адзін голас" і "Грошам не месца ў палітыцы".

Дэманстрантаў, арыштаваных за незаконныя дзеянні, паліцыя адводзіла ў аўтобусы ў пластыкавых наручніках. Тым не менш, акцыя прайшла мірна, сутычак з паліцыянтамі не было.

Паведамляецца, што дэманстрацыя 11 красавіка праводзілася ў рамках серыі пратэстаў пад назвай "Дэмакратычная вясна".