У верасні знізіўся сярэдні заробак беларусаў
У верасні знізіўся сярэдні заробак беларусаў. Як інфармуе Нацыянальны статыстычны камітэт, ён склаў 831,3 рубля. Гэта на 13,1 рубля менш, чым было ў жніўні 2017-га.
Сярэдні заробак у нашай краіне павялічваўся з лютага. У жніўні ён вырас амаль на 17 рублёў. Як вядома, улады ўжо даўно абяцаюць, што да канца 2017 года сярэдняя зарплата па краіне складзе 1000 рублёў (раней гаворка ішла пра 500 долараў).
