У вытворцы жуйкі Orbit у Расіі праблемы — няма кампанентаў

У вытворцы жуйкі Orbit — амерыканскай кампаніі Mars — у Расіі з'явіліся праблемы. Адразу некалькі крыніцаў газеты "Коммерсант" у гандлёвых сетках паведамілі, што кампанія не адгружае новыя партыі. Прычына можа палягаць у недахопе імпартных інгрэдыентаў.  Выданне выказала меркаванне, што гаворка пра гумовую аснову для жуйкі з сінтэтычных палімераў. Яна магла трапіць пад санкцыі ЕС.

У гандлёвых сетках кажуць, што Mars папярэджваў пра скарачэнне асартыменту Orbit праз праблемы з інгрэдыентамі і змяненні ў ланцужку паставак.

У Расіі ў Mars дзесяць фабрык. Жуйку Orbit выпускаюць на пляцоўцы ў Санкт-Пецярбургу. Пры гэтым, паводле звестак "Коммерсанта", Orbit фармуе большую частку продажаў жуйкі ў Расіі. Астатнюю долю дзеляць Dirol і Mentos.