У ЗША перакуліўся цягнік: загінула 5 чалавек (відэа)

У амерыканскай Філадэльфіі, штат Пенсільванія, сышоў з рэек пасажырскі цягнік, у якім знаходзілася 240 пасажыраў. Паводле апошніх паведамленняў, 5 чалавек загінулі, каля 50 атрымалі траўмы рознай ступені цяжкасці. Шэсць чалавек знаходзяцца ў крытычным стане, паведамляе ВВС са спасылкай на мясцовыя ўлады.

Цягнік ішоў з Нью-Ёрка ў Вашынгтон. Перакулілася восем з дзесяці яго вагонаў. Выратавальнікі працягваюць пошукі пасажыраў, якія маглі застацца заблакаванымі пад абломкамі.

Паводле звестак CNN, крушэнне адбылося пасля таго, як цягнік працягнуў рух пасля прыпынку на вакзале Філадэльфіі. Як адзначаюць эксперты, у гэтым раёне дзейнічалі гарадскія абмежаванні хуткасці, інфармуе РИА Новости.

Фота: REUTERS