Украіна і ЗША правядуць ваенныя вучэнні "Хуткі Трызубец" у верасні
Вайскоўцы Украіны на вучэннях / Мінабароны Украіны
Украіна правядзе вайсковыя вучэнні "Rapid Trident — 2021" ("Хуткі Трызубец — 2021") сумесна з ЗША і іншымі членамі NATO.
Пра гэта паведамляе прэс-служба камандавання Сухапутных войскаў Узброеных сіл Украіны.
Вучэнні пройдуць з 20 верасня па 1 кастрычніка на базе Міжнароднага цэнтра міратворчасці і бяспекі Нацыянальнай акадэміі сухапутных войскаў імя гетмана Пятра Сагайдачнага.
У іх возьмуць удзел 6 тысяч вайскоўцаў з 15 краін NATO.
Вучэнні "Rapid Trident" праходзяць ва Украіне рэгулярна. Сёлета ўпершыню адбудзецца тактычная адпрацоўка шматнацыянальнага батальёна з баявой стральбой.
