Украінцы атакавалі порт акупаванага Бярдзянска, знішчаны расійскі карабель
Раніцай 24 сакавіка ўкраінскія ўзброеныя сілы атакавалі порт акупаванага Бярдзянска, знішчаны расійскі вялікі дэсантны карабель "Орск" Чарнаморскага флоту РФ. У доказ праведзенай аперацыі ўкраінскімі Ваенна-марскімі сіламі апублікаваныя фотаздымкі і відэа. Факт атакі на порт пацвярджаюць расійскія крыніцы. Гаворка ідзе пра тры выбухі, пасля якіх выбухаў боекамплект, а над портам стаяў слуп дыму.
Украінскія крыніцы пішуць пра тое, што агулам былі атакаваныя тры расійскія караблі: адзін патануў, два гараць. Быў знішчаны склад з боепрыпасамі і палівам.
Расійскія дэсантныя караблі тэрмінова пакінулі порт у Бярдзянску.
Да сённяшняй атакі украінцы паведамлялі аб 4 знішчаных расійскіх караблях і катэрах.
