Улады Гродна не дазволілі святкаваць Дзень Волі ў гарадскім парку (дакумент)

Улады Гродна не дазволілі мясцовым актывістам правесці святкаванне Дня Волі ў гарадскім парку, паведамляе тэлеканал "Белсат".

У афіцыйным адказе за подпісам намесніка старшыні Гродзенскага гарвыканкама З. Кулешы гаворыцца: "У парку імя Ж.-Э. Жылібера правядзенне масавых мерапрыемстваў не дапушчаецца".

Чыноўнікі спаслаліся на рашэнне гарвыканкама "Аб месцах правядзення масавых мерапрыемстваў у Гродне" ад 2011 года. У спісе месцаў, дзе дазволена праводзіць масавыя мерапрыемствы, парка імя Жылібера няма. Не выключана, што арганізатарам прапануюць іншае месца для святкавання Дня Волі.