Улады Нарвегіі лічаць напад з лукам і стрэламі на людзей тэрактам
Улады Нарвегіі лічаць напад з лукам і стрэламі на людзей тэрактам. 13 кастрычніка ў горадзе Конгсберг былі забітыя пяць прахожых (чатыры жанчыны і мужчына), два чалавекі параненыя. Мужчына страляў у іх з лука. Паліцыя мяркуе, што ахвяры былі выпадковыя.
Дарэчы, зламыснік абстраляў і паліцэйскіх, у якіх не было зброі (яе паліцэйскія ў гэтай краіне звычайна не носяць). Толькі калі прыбыло ўзброенае падмацаванне, яго знайшлі і затрымалі. Нападнікам аказаўся 37-гадовы грамадзянін Даніі. Нядаўна мужчына прыняў іслам. Яму выстаўлена абвінавачванне.
