Усе на "Дастыш Фантастыш"! (фота з прэм'еры)

У кінатэатрах Беларусі стартавала новая кінастужка ад Беларусьфільма.
Увесь прагрэсіўны Мінск прыйшоў паглядзець на новае кіно. Сярод прысутных былі заўважаны вядомыя кінакрытыкі, акцёры, музыкі, журналісты…

Падчас прэзентацыі фільма на сцэну выйшлі ўсе яго стваральнікі на чале з галоўным рэжысёрам Аляксандрам Канановічам. Рэжысёр гаварыў мала, аднак паказаў прысутным небезвядомага прадстаўніка мінскай багемы Сяргея Патаранскага. Менавіта Патаранскі падаў ідэю назвы фільма, за што і атрымаў бутэльку “Джэка Дэніэлса” з рук Канановіча.


Нагадаем, "Дастыш Фантастыш"  – эксцэнтрычны трылер з элементамі вадэвіля.

Дарэчы, 23 красавіка ў “Рэактары” адбудзецца вялікая прэзентацыя саўндтрэку да фільма “Дастыш Фантастыш”. Сярод удзельнікаў  – “Нака”, “Дзецідзяцей”, “У нескладовае”, “РСП” і “Крамбамбуля”.

P.S.: У скарбонцы Беларусьфільма няма яшчэ ТАКОГА! Адразу відаць, што кіно здымалі не старпёры альбо ідэалагічна правільныя людзі, а малады і крэатыўны рэжысёр, які жыве і працуе ў асноўным у Маскве. Будзем спадзявацца, што “Дастыш Фантастыш” – першы крок нашага кіно да сусветнага кінематографа. Фільм варты ўвагі!


Еўрарадыё пра “Дастыш Фантастыш”:
Праблемы беларускага кінематографа прывялі да “Дастыш Фантастыш”
Музыкі вырашылі дапамагчы беларускаму кінематографу