Ва Украіне знішчылі 15 тысяч пачкаў кантрабандных цыгарэт з Беларусі

Ва ўкраінскім Роўне знішчылі партыю кантрабандных беларускіх цыгарэт, затрыманых у чэрвені на беларуска-ўкраінскай мяжы. 

Як паведамляе Дзяржаўная памежная служба Украіны, гэта адбылося на адным з ровенскіх прадпрыемстваў у прысутнасці прадстаўнікоў фіскальных органаў. Украінцы спалілі 15 тысяч пачкаў цыгарэтнай кантрабанды. 

Дарэчы, цягам апошняга месяца ўкраінскія памежнікі спынілі некалькі спробаў цыгарэтнай кантрабанды з Беларусі: 16 верасня былі затрыманыя 7 тысяч пачкаў, 20-га — 2,5 тысячы, 23 верасня была затрыманая партыя цыгарэт на 4 тысяч долараў.