Відэа з беларускім ксяндзом прызналі "экстрэмісцкім"
Відэаролік “Малітва за Беларусь з Вячаславам Барком. 17.07.2021”, размешчаны на YouTube-канале “Сапраўдная Беларусь!”, прызнаны "экстрэмісцкімі матэрыяламі". Такое рашэнне прынята па заяве пракуратуры Расонскага раёна, паведамляе ў Telegram прэс-служба Генпракуратуры Беларусі.
Вячаслаў Барок — ксёндз-пробашч расонскага касцёла. У снежні 2020-га ён адбыў 10 сутак адміністрацыйнага арышту. Сёлета ён з'ехаў з Беларусі, калі даведаўся пра чарговую заведзеную ў дачыненні яго справу. Каталіцкі святар рэгулярна выступае з каментарамі па сітуацыі ў Беларусі.
