Вікторыя Азаранка выйшла ў чвэрцьфінал тэніснага турніру ў Істбурне

Як паведамляе БелаПАН, 16 чэрвеня ў другім крузе беларуска перамагла англічанку Хізэр Уотсан — 6:1, 6:1. Наступная суперніца Азаранкі вызначыцца ў матчы паміж чэшкай Лючыяй Шафаравай і былой першай ракеткай свету Кім Клейстэрс з Бельгіі.

У стартавым паядынку беларуская спартоўка выйграла ў полькі Агнешкі Радваньскай — 7:6 (7:2), 6:1.

Прызавы фонд спаборніцтваў складае 600 тысяч долараў ЗША.