Віталя Рымашэўскага аштрафавалі за Курапаты на 735 рублёў
29 кастрычніка суд Мінскага раёна аштрафаваў сустаршыню аргкамітэта Беларускай хрысціянскай дэмакратыі Віталя Рымашэўскага на 735 рублёў (30 базавых велічыняў).
Нагодай стала тое, што Рымашэўскі стаяў на фоне бела-чырвонага белага сцяга і публічна выказваў меркаванне наконт рэстарана “Поедем поедим”, паведамляе прэс-служба БХД. Суддзя на пасяджэнні спытаўся, ці меў палітык дазвол на выказванне свайго меркавання і хто яму яго даў.
“Гэта ўсё, што трэба ведаць пра наш беларускі суд”, — пракаментаваў Рымашэўскі выказванні суддзі.
