Выкладчыцу журфака БДУ Ксенію Мартуль асудзілі на 15 сутак арышту

Выкладчыцу журфака БДУ Ксенію Мартуль асудзілі на 15 сутак адміністрацыйнага арышту. Яе пакаралі за "распаўсюд экстрэмісцкіх матэрыялаў". Справу ў сераду разглядаў суд Цэнтральнага раёна Мінска, паведамляе @mediazona_by.

14 снежня сілавікі забралі Мартуль проста з заняткаў. У "пакаяльным" відэа яна сказала, што ўдзельнічала ў масавых пратэстах 2020 года. І дадала, што "затрымана за тое, што ў асабістай перапісцы рабіла перасылкі з "экстрэмісцкіх" тэлеграм-каналаў".

Неўзабаве пасля затрымання выкладчыцы міліцыя перахапіла кантроль над тг-каналам "Gender_gap". У ім, дарэчы, ніколі не пісалі пра палітыку.