Вызвалены ад пасады начальнік Ваеннай акадэміі Беларусі
Вызвалены ад пасады начальнік Ваеннай акадэміі Беларусі. Адпаведны ўказ 20 кастрычніка падпісаў Аляксандр Лукашэнка. Генерал-маёр Сяргей Бобрыкаў быў абраны дэпутатам Палаты прадстаўнікоў Нацыянальнага сходу і будзе працаваць там (ён — намеснік старшыні пастаяннай камісіі па нацыянальнай бяспецы).
Таксама ў чацвер стала вядома, што кіраўнік дзяржавы вызваліў Уладзіміра Ізотку ад пасады суддзі Канстытуцыйнага суда Беларусі "ў сувязі з выхадам у адстаўку". Адзначаецца, што пра звальненне інфармуецца Савет Рэспублікі. Ізотка — ураджэнец Расіі, працаваў суддзёй Канстытуцыйнага суда з 2007 года. Яму 70 гадоў.
